O MAK GOZA ONA
Beibeik No Beibeik Liafuan ‘O
Mak Goza Ona’ Ne’e Hau Lee Iha Media Sosial Ka Rona Hosi Konversa
Lorloron Nian Entaun Liafuan Ne’e Sai Hanoin Atu Hateten Sai. Wainhira
Haree Kolega Ruma Hasai Imajen Iha Pixina, Restaurante No Sidade (Liu-Liu Iha
Rai Liur) Ho Lalais Kolega Sira Seluk Sei Haree Liu Husi Mundu Virtual Ou Media
Sosial. La Seluk La Leet, Sei Mosu Komentáriu Barbarak Iha Okos, Ida Úniku Liu
Mak, ‘O Mak Goza Ona’.
Maski Ida Ne’e Komentáriu Espontáneu Ka Sériu
Ida Ne’e Mak Komentáriu. Dala Ruma Hau Hanoin Katak Mundo Virtual Ka Media
Sosial Sai Fatin Kompetisaun Hodi Hatudu Ba Malu Katak Se Mak Goza Liu
(Dalaruma). Keta Halo Imajen Iha Media Sosial Mak Sai Obsesaun Ka Motivu Atu
Sai Bá Liur Karik...! Hehehe, Halimar Deit Sá.
Maibé Natureza Hanesan Ne’e Ita Sei Hetan
Bebeik Iha Smartphon Ka Pc Idaidak Nian. Hau
Sente Buat Ida Kómiku Mak Ne’e; Ida Tau Imajen Hateten, ‘Hau Goja Duni Ka Lae
E?’ Pergunta Ne’e Mosu Iha Nia Laran Deit. No Ida Haree Imajen Ne’e Hateten,’
Bainhira Mak Hau Bá Ne’eba E?’. Sira Komesa Funu Ho Sira Nia Imajinasaun. O
Lahatene Katak Sai Bainaka Iha Ema Nia Uma Ne’e Terus Boot Ida. Iha Ne’e Hau
La’os Atu Ko’alia Kona Ba Quantidade Terus Nian Maibe Hau Hakarak Haree Liu Ba
Kualidade. Fiar Ka La Fiar Ida Ne’e Realidade, Matenek Nain Barbarak Hamosu
Teoria Ka Diskobre Buat Foun Wainhira Sira Moris Iha Ema Nia Rain Tanba Dala
Barak Sira Hetan Presaun Husi Rai Nain, Maibe Sira Bele Ejiste To’o Rohan Tanba
Sira Iha Visaun No Prinsipiu Hodi Mai Ema Nia Rain.
Se Ita Fila Fali Ba Liafuan ‘O Mak
Goja Ona’ Oinsá O Bele Goja Iha Ema Nia Rai Nudar Bainaka Ida, O
Hakarak Ka Lakoi Iha Nafatin Buat Ida Naran Distánsia Kultural Entaun
O Sei Hetan Presaun Nafatin Maski O Anju Iha O Nia Rain Rasik. O Sei Bele
Harahun Distánsia Kultural Ne’e Se O Iha Visaun No
Prinsipiu Ne’ebé Forti, Siknifika Katak O Mai Ema Nia Rain Laos Atu Goja
Maibe Funu Hasoru Presaun...Hehehe.
Kolega Ida Ohin Haree Imajen Ne’e Halai Tia Bá
Ne’ebé? Oh...Iha Ne’e Hela, Rona! Tan Ne’e Lalika Orgullu Demais Ho Sira
Ka Oin Boot Wainhira Sira Fila Mai Tanba It Rua Ne’e Vitima Hotu Ba
Peisbuk...Hehehe.